भीती- नकोशी – हवीशी ! होमिओपॅथी त्याच्या पाठीशी !! / Fear – Do not Want – Want ! Homoeopathy is Always Supportive !!

भीती – नकोशी – हवीशी !  होमिओपॅथी त्याच्या पाठीशी !!

       तिच्या नवऱ्याने दोन महिने आधी युरोपच्या प्रवासाला जायचं आहे आणि तेथे एस्कलेटर वरूनच जावं लागेल असं सांगितल्यामुळे ती एस्कलेटरच्या भीतीपासून  पूर्णपणे बरी होण्यासाठी  होमिओपॅथिक ट्रीटमेंट घेण्याचे ठरवले. त्यासाठी ती ‘चैतन्य होमिओपॅथीक क्लिनिकमध्ये ‘  आली.

      आपल्या घरातलं कोणी कामासाठी बाहेर पडलं आणि परत येण्याची वेळ टळून गेली की भीती हळूहळू मनाचं कब्जा घेऊ लागते. तिला बाजूला सारण्याचा, मनाची समजूत घालण्याचा आपण कसोशीनं प्रयत्न करतो. पण वेळ सरत जातो तशी भीती वाढत जाते. एखादं संगीत टिपेला पोहोचते तशी भीती उच्चांक गाठते आणि उग्ररूपही धारण करते.

      भीतीचं खरं कारण बाह्य जगात नसून अंतर्मनात दडलेला एक विचार आहे. भीतीपोटी माणूस अनाठायी धाडस करत नाही. पण भीतीवर काबू मिळवायचा असेल तर त्या व्यक्तीला हळूहळू सामोर जाणं, तोंड देणं, हाच उपाय आहे, हे ही अनेक प्रसंगातून शिकलेल्या व्यक्ती ठामपणे सांगतात आणि त्याच्यामध्ये होमिओपॅथिक उपचारांची जोड दिल्यास भीती पूर्णपणे नाहीशी होऊ शकते.

   रोज सकाळी भीतीने पकड घेतली की, ती दवाखान्यात फोन करायची. बराच वेळ संवाद चालायचा. होमिओपॅथिक औषधोपचार सुरू केल्यानंतर हळूहळू स्वतः तिच्यामध्ये बदल होत गेले. स्वतःला सावरता आलं आणि काही आठवड्यातच तिने भीतीवरती मात केली.

     आज घरामध्ये कोणी नसलं किंवा घरातील व्यक्ती येण्यास उशीर झाला तरी त्यातून निर्माण होणाऱ्या भीतीवर तिने मात केली आहे.ती आज आनंददायी  आणि इतरांप्रमाणे नॉर्मल आयुष्य जगत आहे.

     भीतीची उगम स्थान अनेक रूपही अनेक पण तिचा अनुभव नेहमीच नकोस असतो असं म्हणता येणार नाही. अनेकदा ती हवीशी ही असते. थरार अनुभवण्यासाठीच नव्हे तर आयुष्यातले मोठे आणि कायम लक्षात राहणारे धडे शिकविण्यासाठीही !

    मनातील भीतीची भावना घालवण्यासाठी प्रयत्न करणे गरजेचे आहे. ती एक संथ प्रक्रिया आहे. सातत्यपूर्ण ही प्रक्रिया करत आपण निर्भय होऊ शकतो. होमिओपॅथिक औषधांबरोबरच नियमित ध्यान आणि योग याचा शरीर आणि मन शांत व समतोल ठेवण्यासाठी उपयोग होतो.

    भीती घालवायची असेल तर उपाय आपल्यातच आहे. सकारात्मक नाही तर स्वीकारत्मक होण्याची गरज आहे. होमिओपॅथिक औषधांची जोड दिल्यास भूतकाळाला गाडणं, भविष्यकाळात न रमणं, वर्तमानात जगणं शक्य होतं. स्वतःचा सरसकट स्वीकार केला जातो. त्याच बरोबर क्षमाशीलतेची वृत्ती ठेवण्याची मानसिकता वाढीस लागते. हा कठीण प्रवास होमिओपॅथिक औषधांमुळे सहज शक्य होतो.

‘भय इथले संपले आहे’  हे होमिओपॅथिक उपचार घेणारी व्यक्ती आपसूकच म्हणते !