‘आईगिरी ‘चं बेबीसीटिंग आणि होमिओपॅथी / Motherly Babysitting and Homoeopathy

‘आईगिरी ‘ चं बेबीसीटिंग आणि होमिओपॅथी

   पण त्या दिवशी मी स्वतःलाच नव्याने काहीतरी प्रश्न विचारले. ‘ या दोघांचं नातं त्यांना व्यवस्थित हँडल करता येऊ शकत होतं, तर मग इतकी वर्ष कशासाठी ताण घेत राहिले ‘ ?

  जरा पेटतयं असं वाटलं की, पाणी घेऊन विजवायला का धावत राहिले ?

  मुलगा लहान होता, शिंग फुटण्याच्या वयात होता, तेव्हा त्यांच्यामध्ये पडून घरात शांती ठेवणं ठीक होतं.

  पण आता दोघेही  मोठे, सज्ञान असतानाही मी तशीच “आईगिरी “ का करतेय ?

  वर्षांनुवर्षे दोघांचेही लहान मुलांसारखं वागणं बदलत नसेल तर तेच तेच समजावण्यात मी किती वेळ आणि शक्ती वाया घालवायची ? “

   हा माझ्यामध्ये होमिओपॅथिक औषध सुरू केल्यानंतरचा जाणवलेला बदल.  माझ्यामधील  सदसद् विवेकबुद्धीने विचार करण्याची मी ठरवलं. त्याप्रमाणे निर्णय घेण्याचे ठरवलं.

• “माझ्या असं लक्षात आलं, या दोघांच्या वादांमध्ये माझी जबाबदारी किती ?
• त्या दोघांना वादविवाद करून जिंकण्यात मोठेपणा वाटतो. एरवी कुठलेही निर्णय घेताना त्यांना माझी फारशी गरज पडत नाही. म्हणजे मला असंही माझ्या हातात काय आहे ?
• त्यांच्या नात्याची जबाबदारी माझी कशी ?
• त्यांना त्यात बदल हवासा वाटला, विचार करावासा वाटला, तर ते नक्की करतील.त्यांचं नातं जसं आहे त्याची किंवा ते बदलण्याची जबाबदारी त्यांचीच आहे.”
• “मग पुढचा प्रश्न आला, ‘जबाबदारी माझी नसेल तर मला इतका कशाचा त्रास होतोय? ‘

   या प्रश्नाच्या उत्तराला बराच वेळ लागला. पण चैतन्य होमिओपॅथिक क्लिनिकमधील होमिओपॅथिक डॉक्टरांनी समुपदेशन केल्यावर त्याचे उत्तर मला सापडले.

   दोन माणसांमधले वाद, मग ते घरातले असोत की बाहेरचे, मनाला त्रास देणारेच असतात. त्यांच्या वादात पडणं, त्या लोकांची समजूत घालणंही अनेकदा अशक्य ठरतं. कारण ते आपापल्या भूमिकांवर ठाम असतात. विशेषतः वडील मुलाच्या भांडणात आईची अवस्था अगदी दीनवाणी होऊन जाते. ” सज्ञान माणसं अशी का वागतात “? या प्रश्नाचा भुंगा मागे लागतो.

  अशावेळी त्रास देणारे प्रश्नच बदलून पाहिले तर असा विचार मनात येतो. पण तो विचार न राहता ती भूमिका  बदलण्यासाठी तारतम्याने विचार करण्याची ताकद तुम्हाला  होमिओपॅथिक  औषधच देतात आणि आपल्या समोरील बरेच वर्ष रेंगाळत असलेल्या प्रश्नाचे उत्तर चुटकीसारखे मिळून प्रश्न आरामात सुटतात.